Madurai News

யாருக்கு வரும் இந்த பெரிய மனசு: ஸ்மித்தை மனதார பாராட்டிய அஷ்வின்!
Wednesday 27, Dec 2017

மெல்போர்ன்: இங்கிலாந்து அணிக்கு எதிரான ஆஷஸ் டெஸ்ட் தொடரில் அசத்தும் ஆஸ்திரேலிய கேப்டன் ஸ்டீவ் ஸ்மித்தை இந்திய சுழற்பந்து வீச்சாளர் அஷ்வின் பாராட்டியுள்ளார். ஆஸ்திரேலியா சென்றுள்ள இங்கிலாந்து கிரிக்கெட் அணி, 135 ஆண்டுகள் ஆரம்பரிய ஆஷஸ் தொடரில் பங்கேற்கிறது.5 போட்டிகள் கொண்ட டெஸ்ட் தொடரை 3-0 என ஏற்கனவே ஆஸ்திரேலிய அணி கைப்பற்றிவிட்டது. இந்நிலையில் இரு அணிகள் மோதும் நான்காவது டெஸ்ட் மெல்போர்னில் இன்று துவங்கியது. இதில் ‘டாஸ்’ வென்ற ஆஸ்தரேலிய அணி கேப்டன் ஸ்மித் முதலில் ‘பேட்டிங்’ தேர்வு செய்தார். இதையடுத்து களமிறங்கிய ஆஸ்திரேலிய அணிக்கு வார்னர் (103), ஸ்மித் (65*) ஆகியோர் கைகொடுக்க, முதல்நாள் ஆட்டநேர முடிவில், ஆஸ்திரேலிய அணி, முதல் இன்னிங்சில் 3 விக்கெட்டுக்கு 244 ரன்கள் எடுத்தது. இத்தொடரில் ஆஸ்திரேலிய அணி கேப்டன் ஸ்டீவ் ஸ்மித், இதுவரை ஐந்து இன்னிங்சில் 491 ரன்கள் குவித்துள்ளார். தவிர, டெஸ்ட் தரவரிசையில் அதிக புள்ளிகள் பெற்ற டான் பிராட்மேன் சாதனையையும் இத்தொடரில் ஸ்மித் முறியடிக்க உள்ளார். தவிர, டெஸ்ட் அரங்கில் இந்த ஆண்டில் அதிக ரன்கள் குவித்த வீரர்கள் பட்டியலில் முதல் இடத்தில் உள்ளார். இந்நிலையில் இந்தியாவின் முன்னணி சுழற்பந்து வீச்சாளரான அஷ்வின், ஸ்மித் பேட்டிங்கை புகழ்ந்துள்ளார். இதுகுறித்து அஷ்வின் வெளியிட்டுள்ள டுவிட்டர் பதிவில் ‘டெஸ்ட் போட்டி தொடங்கும் முன் ஒருநாள் எதிரணி ஸ்மித்துடன் உட்கார்ந்து பேச வேண்டும். அதில் ஸ்மித் இவ்வளவு ரன் தான் அடிக்க வேண்டும் என இருதரப்பும் ஒத்துக்கொள்ள வேண்டும். அட்டகாசமான திறமை’’ என குறிப்பிட்டுள்ளார்.

More Madurai News links
First        1  2  3  4  5  6  7  8  9  10  11       Next        Last