Madurai News

ஒருநாள் போட்டிகளில் அஷ்வின் எதிர்காலம் எப்படி: தேர்வுக்குழு தலைவர் பதில்!
Thursday 28, Dec 2017

மும்பை: தொடர்ந்து ஒருநாள் போட்டிகளில் புறக்கணிக்கப்பட்டு வரும் சுழற்பந்துவீச்சாளர் அஷ்வின், ரவிந்திர ஜடேஜா எதிர்காலம் குறித்து இந்திய தேர்வுக்குழு தலைவர் பிரசாத் விளக்கம் அளித்துள்ளார். தென் ஆப்ரிக்கா செல்லும் இந்திய அணி, 3 டெஸ்ட், 6 ஒருநாள், 3 டி-20 போட்டிகள் கொண்ட தொடரில் பங்கேற்கிறது. இதில் பங்கேற்கும் இளம் கோலி தலைமையிலான இந்திய அணி சமீபத்தில் அறிவிக்கப்பட்டது. இதில் வழக்கம் போல இந்திய அணியின் அனுபவ சுழற்பந்து வீச்சாளர்களான அஷ்வின், ரவிந்திர ஜடேஜா, ரெய்னா, யுவராஜ் உள்ளிட்டோர் புறக்கணிக்கப்பட்டனர். இதற்கு பிசிசிஐ., தேர்வுக்குழு தலைவர் பிரசாத் சொதப்பலான காரணம் தெரிவித்தார். இந்நிலையில் டெஸ்ட் போட்டிகளில் இடம் பெறும் அஷ்வின், ரவிந்திர ஜடேஜாவின் ஒருநாள் போட்டியின் வாய்ப்பு குறித்து பிரசாத் பேசியுள்ளார். இதுகுறித்து பிரசாத் கூறுகையில்,’ இருவரும் இந்திய அணிக்காக நிறைய செய்துள்ளனர். அவர்களுக்காக தேர்வு கதவு எப்போதும் திறந்தே இருக்கும் . அவர்கள் நிச்சயமாக மீண்டும் அணிக்கு திரும்ப வாய்ப்பு உள்ளது. இளம் வீரர்களுக்கு வாய்ப்பு அளிக்க மட்டுமே அவர்கள் நீக்கப்பட்டனர். வேறு எவ்வித பிரச்சனையும் இல்லை.’ என்றார்.

More Madurai News links
First        1  2  3  4  5  6  7  8  9  10  11       Next        Last