Madurai News

எல்லாத்தையும் என் டெல்லி தம்பி பாத்துக்குவாரு: சேவக்!
Friday 29, Dec 2017

புதுடெல்லி: இந்திய அணியை தொடர்ந்து நம்பர்-1 இடத்தில் வைத்துக்கொள்வதை தனது டெல்லி தம்பி விராட் கோலி பார்த்துக்கொள்வார் என முன்னாள் அதிரடி மன்னன் சேவக் தெரிவித்துள்ளார். தென் ஆப்ரிக்கா செல்லும் இந்திய அணி, 3 டெஸ்ட், 6 ஒருநாள், 3 டி-20 போட்டிகள் கொண்ட தொடரில் பங்கேற்கிறது. இதில் பங்கேற்கும் இளம் கோலி தலைமையிலான இந்திய அணி சமீபத்தில் அறிவிக்கப்பட்டது. இதில் பங்கேற்கும் கேப்டன் விராட் கோலி உள்ளிட்ட இந்திய வீரர்கள் தென் ஆப்ரிக்கா கிளம்பினர். இந்நிலையில் இத்தொடர் குறித்து பேஸ்புக் பக்கம் மூலம் ரசிகர்களின் கேள்விக்கு சேவக் நேரடியாக பதில் அளித்தார். அப்போது சேவக் கூறுகையில்,’ தென் ஆப்ரிக்க மண்ணில், இந்தியாவின் ரோகித் சர்மா, கோலி ஆகியோர் சிறப்பாக செயல்படுவார்கள் என எதிர்ப்பார்க்கிறேன். ரோகித் சர்மாவின் சிக்சருக்கு நானும் ஒருரசிகன். இவர்களை தவிர, ஹர்திக் பாண்டியாவும் பேட்டிங்கில் அசத்தலாம். தற்போதுள்ள பேட்ஸ்மேன்களில் மூன்றுவிதமான கிரிக்கெட்டில் 50க்கு மேல் சராசரி வைத்துள்ளது தம்பி கோலிதான். கடந்த ஆண்டில் இந்திய அணியை 37 போட்டிகளில் வெற்றி பெற செய்தார். இந்த ஆண்டு அதில் பாதி வென்றாலே போதும் இந்திய அணி நம்பர்-1 இடத்தில் இருக்கமுடியும். அதை என் டெல்லி தம்பி கோலி பார்த்துக்கொள்வார்.’ என்றார்.

More Madurai News links
First        1  2  3  4  5  6  7  8  9  10  11       Next        Last